Vopnafj�r�ur - Fr�ttir

Sl�turt�� hafin og g�ngur � n�sta leiti.

Thu, 02 Sep 2010 20:33:00 +0000

Í gær var fyrsti dagur lambaslátrunar hjá Sláturfélagi Vopnafjarðar og gekk nokkuð vel þrátt fyrir mikið af nýju fólki. Um 40 manns vinna við slátrun þetta haustið og er hlutfall íslendinga að aukast til muna. All var á fullu þegar ég heimsótti húsið í dag og ekki annað að sjá að þetta glæsilega sláturhús eigi framtíð fyrir sér hér á Vopnafirði.

�tliti� b�tt.

Wed, 01 Sep 2010 17:43:00 +0000

Það hefur oft loðað við Vopnafjörð að þar sé fallegt og bærinn snyrtilegur að sjá og já, fólkið einstakt. Til þess að þetta verði áfram svona þarf að halda við og bæta umhverfið. Þeir óaðskiljanlegu félagar hreppsins Hilmar, Denni og Dúddi voru að slá upp móti fyrir gangstétt á Hafnarbyggðinni og voru þeir frekar lukkulegir með verkið. Uppáhalds málari okkar hér á Vopna var að gera Braggann eins og nýjann með töframálningu og Mælarar og Eyjólfur voru í óðaönn að klæða verkmiðjuna nýjum verjum. Þetta var nú það helsta sem fyrir augu mín bar í dag en vel má vera að fleiri hafi verið að verki... Jú ég man það núna, Jón Pétur var að mála hjá sér þakið í gær en ég náði ekki af honum mynd, hann var svo snöggur.

Unni� vi� �tr�sarl�gn HB Granda.

Sat, 28 Aug 2010 15:52:00 +0000

Undanfarna daga hefur verið unnið við útrásarlögn uppsjávarvinnslu hér á Vopnafirði. Þetta er sagan endalausa en búið er að berjast við þessa óhræsis lögn meira og minna síðan hún fór í hafið. Nú á að reyna koma henni niður á meira dýpi og hafa kafarar verið að koma fyrir búnaði til að þetta sé hægt. Þetta er partur af þeirri vinnu sem miðar að því að koma í veg fyrir grútarmengun í framtíðinni. Vel hefur gengið að halda fitunni inni og hefur ekki lekið út frá því að menn lögðust yfir hvað var að í búnaðinum sem átti að koma í veg fyrir leka.
Hér er smá video

Vetrarstarf Vopna.

Thu, 26 Aug 2010 12:03:00 +0000

Nú er vetrarstarfið hjá björgunarsveitinni að hefjast en eins og oft áður er lítið um að vera yfir sumarmánuðina. Nokkur útköll hafa þó verið í sumar en engin stór. Stærsta verkefni sumarsins var þó hálendisgæslan en Vopni skilaði viku norðan Vatnajökuls. Víða var komið við á þessari viku og mikil reynsla safnaðist á svæðinu þó ekki hafi verið mikið að gera í að bjarga fólki eða verðmætum. Vonandi verður ekki mikið um útköll á þessum vetri en til stendur að hafa átak í menntunarmálum félaga í vetur svo við verðum betur í stakk búnir til að takast á við verkefnin þegar þau koma. Dagskrá vetrarinns verður auglýst á næstu dögum og eru nýjir félagar velkomnir. Kv. Formaður.
Heimasíða Vopna

Einherji lag�i Leikni � F�skr��sfir�i 2 � 1

Fri, 20 Aug 2010 11:30:00 +0000

Einherjamenn gerðu góða hluti á Fáskrúðsfirði í gær og lögðu Leikni 2 -1 í fjörugum leik. Leikurinn spilaðist óvenju vel en enginn Einherjamanna fékk að líta rauða spjaldið að þessu sinni en það er búið að vera rauði þráðurinn hjá Einherja í sumar.

Það var Ivo sem kom Einherja yfir í fyrri hálfleik en svo skoraði Biggi annað mark um miðjan seinni hálfleik en Leiknismenn minnkuðu muninn skömmu síðar. Með þessum góða sigri slökktu Einherjamenn vonir Leiknismanna um að komast í umspil um sæti í 2 deild.

Það hefði verið við hæfi að áhorfendur heimamanna hefðu allavega fengið gula spjaldið fyrir ömulega framkomu við gestina og er ekki betur séð á myndum að það sé dómari sem dæmdi leik þessara liða í fyrra sem var meðal þeirra sem mest höfðu sig í frammi og ekki betur séð en að áfengi væri haft um hönd.
Hér eru fleiri myndir frá Fáskrúðsfirði.

Unni� a� lausn vegna fr�rennslism�la

Wed, 18 Aug 2010 15:50:00 +0000

Ákveðin vandamál hafa komið upp vegna frárennslis frá uppsjávarfrystihúsi HB Granda á Vopnafirði. Stjórnendur félagsins hafa fengið verkfræðistofuna EFLU til þess að gera úttekt á frárennslis- og mengunarmálum með það að markmiði að leysa vandamálið til frambúðar. Vinnslustöðvun í byrjun vikunnar var að fullu nýtt til að endurbæta og lagfæra núverandi búnað og eins má nefna að nú þegar er hafin hreinsun á fjörum í samvinnu við og undir stjórn Vopnafjarðarhrepps.

Vegna þessa hefur HB Grandi sent út yfirlýsingu og afsökunarbeiðni til íbúa á Vopnafirði og hefur bréf þar að lútandi verið borið út í öll hús á staðnum. Undir bréfið ritar Vilhjálmur Vilhjálmsson, deildarstjóri uppsjávarsviðs HB Granda:

,,Í sumar hefur viljað brenna við að fita og grútur frá starfsemi félagsins á Vopnafirði hafi borist í fjörur staðarins. Grútarmengunin hefur valdið íbúum Vopnafjarðar óþægindum og biðst félagið velvirðingar á því.

Ástæða þess hafa verið bilanir í búnaði, dælum o.þ.h. og að frárennsli var mun meira en menn áttuðu sig á. Þrátt fyrir að ýmislegt hafi verið gert til að hemja frárennslislögn virðist sem enn og aftur leiki endi hennar lausum hala.

Það hefur aldrei verið unnið annað eins magn af síld og makríl í uppsjávarfrystihúsinu og nú í sumar. Nú er t.d. búið að frysta rúm 7.500 tonn af afurðum á móti 1.200 tonnum í fyrra. Við þessa vinnslu er að falla til gífurlegt magn af fitu og hafa tæki okkar og úrræði greinilega ekki verið nægilega viðbúin því.

Við munum gera það sem í okkar valdi stendur til að koma fráveitumálum okkar í fyrirmyndarlag. Nú er verið að auka afköst dælingar og fituhreinsunar í vinnslunni. Við erum að láta kafa með útrásarlögninni og munum koma henni í lag.

Við höfum í samvinnu við og undir forystu sveitarfélagsins hafið hreinsun í fjörunni.

Við höfum falið verkfræðistofunni EFLU að gera úttekt á fráveitumálum okkar, útrás og fituhreinsun og óskað eftir því að þeir hefji vinnu við verkið sem allra fyrst.

Við biðjum íbúa Vopnafjarðar enn og aftur afsökunar á þessu. Við munum gera allt sem í okkar valdi stendur til að koma fráveitumálum okkar í fyrirmyndarlag og hraða því ferli eins og hægt er."

S�ldvei�ar ganga vel eftir sumarfr�

Tue, 10 Aug 2010 15:53:00 +0000

Uppsjáfarskip HB Granda hófu veiðar á síld eitt af öðru fyrir og um helgi. Veiðisvæðið er um 80-90 sml. NA af Vopnafirði. Veiðin hefur verið góð. Lundey reið á vaðið og hófst vinnsla úr rúmum 600 tonnum sem hún var með í gærmorgunn. Vinnsla hefur gengið vel og lýkur henni um eða upp úr hádegi í dag og tekur þá Faxi við en hann er með rúm 600 tonn eins og Ingunn sem er nú á landleið. Hlutfall makríls er um 10% af afla skipanna.

Kr�ksm�t 2010

Sun, 08 Aug 2010 23:18:00 +0000

Nú um helgina fór fram Króksmót í fótbolta. Einherji sendi tvö lið í 7. flokk, eitt lið í 6. flokk og eitt lið í 5. flokk. Krakkarnir stóðu sig með prýði, veðrið var gott og allir fóru ánægðir heim að móti loknu. Myndir segja oft meira en orð og það á einmitt við hér.

Makr�lvei�ar ganga vel og sumars�lin sleikir ��k snemma morguns.

Mon, 12 Jul 2010 15:53:00 +0000

Ingunn kom inn í gær í kjölfar Faxa og landaði um 400 tonnum af makríl en löndun lauk núna um 3 leitið og Lundey er á landleið með svipað magn. Búið er að frysta liðlega helmingi meira en á sama tíma í fyrra þó var byrjað viku fyrr á síðasta ári. Strandveiðibátar voru að tínast út í nótt í sumarblíðunni en veiðar hafa gengið vel hjá þeim heilt yfir og lítið sem ekkert hefur komið uppá hjá þeim hér á þessu svæði.

Mi�b�rinn fullur af l�fi, marka�torg og lifandi t�nlist.

Sun, 11 Jul 2010 07:26:00 +0000

Miðbærinn var fullur af fólki og góð stemming á markaðtorginu í gær en þar var fólk með sölubása og seldi allt milli himins og jarðar. Lifandi tónlist var á svæðinu og stemmingin fín. Seinna um daginn opnaði fólk svo fyrir gestum og gangandi og bauð upp á kjötsúpu að hætti hússins. Hér eru fleiri myndir sem Bjarki tók.