Nóg var að gera að kvöldi 21.jan hjá björgunarsveitinni Vopna en það byrjaði á útafkeyrslu um kl.19:00 þar sem ökumaður missti bíl sinn útaf fyrir ofan Sandvíkina....
Meira

Það var mikið fólki sem mæti á þorrablót í félagsheimilið Miklagarð á laugardagskvöldið. Það voru tæplega þrjúhundruð manns sem borðuðu íslenskan þorramat á meðan þorrablótsnefnd matreiddi skemmtiatriði ofan í liðið. Það var mál manna að vel hafi tekist til með upprifjun á því sem þótti broslegt á síðasta ári og enginn hafi orðið verulega sár.

Í gær var bóndadagur og þorrinn byrjaður með kulda og trekki. Það er þó ein veik von en sólin er að hækka á lofti þó hægt fari. Ég brá mér í kuldanum í gær og tók nokkrar vetrarmyndir þar sem sólin skein veikum geislum yfir fjallatoppana.

Það var um kl. 23 í gærkvöldi sem loðnufrysting hófs hjá HB Granda á Vopnafirði en Ingunn AK kom með 1000 tonn af loðnu. Þetta er stór og falleg loðna sem hentar vel til frystingar. Faxi kom svo í morgun með um 900 tonn sem einnig eiga að fara í frystingu.

Í nótt kviknaði í húsi við Kolbeinsgötu á Vopnafirði. Logaði eldur á stigagangi á efrihæð hússins. Slökkvilið Vopnafjarðar slökkti eldinn á skömmum tíma. Ein kona var í húsinu og var henni bjargað út um glugga á efri hæðinni. Töluverðar skemmdir og eignatjón varð af völdum elds og reyks. Konan var flutt á heilsugæsluna á Vopnafirði til skoðunar en hana sakaði ekki.
(myndin tengist ekki brunanum í nótt)