Í dag lauk námskeiði á vegum Brunamálaskólans fyrir stjórnendur slökkviliða á Austurlandi. Námskeiðið, sem stóð í þrjá daga, var haldið á Egilsstöðum og það sátu slökkviliðsstjórar og varðstjórar á Austurlandi. Góð þátttaka var á námskeiðinu og einn til tveir menn úr hverjum þéttbýliskjarna austanlands allt frá Þórshöfn í norðri til Hornafjarðar í suðri tóku þátt. Þetta er fyrsta námskeiðið sem haldið er fyrir yfirmenn slökkviliða á Austurlandi í þeim tilgangi að samhæfa vinnubrögð og þá sérstaklega í stærri eldsvoðum þar sem gert er ráð fyrir víðtækri samvinnu.