Bændur úr Vesturárdal og Hofsárdal réttuðu fé sitt í Hauksstaðarétt í dag í góðu veðri. Um 1.500 kindur komu til réttar og eru þessar réttir þær fyrstu við Vopnafjörð ef frá eru taldar réttirnar á Torfastöðum um síðustu helgi þegar heimaland Torfastaða var smalað. Gangnamenn upplifðu ýmis veður í göngum eins og of gerist. Þegar riðið var úr sveit í heiði hrepptu menn svo svarta þoku að menn sem aldir eru upp á þúfunum á milli Hauksstaða og Arnarvatns höfðu aldrei séð annað eins en að öðru leyti gekk allt vel og allir komust til byggða.