Það er stundum eins og veðrið sé á haus. Það er alla vega þannig þessa dagana þegar hann blæs að sunnan dag eftir dag nær allan febrúar og það sem af er mars. Persónulega finnst mér þetta „eyðsla“ á sunnanáttinni , hún má frekar blása í júlí og norðanáttin á Þorra og Góu. Það eru samt einhverjar fréttir af norðanátt á næstu dögum og vonandi geta Sleðamenn Íslands dustað rykið af sleðunum og jafnvel farið eina bunu fyrir vorið.