Valmynd

Könnunin

Vešurstofa Ķslands

Vegageršin

Dęgradvöl

Kolmunni ašeins veiddur sem mešafli į žessu įri

Frį Makrķlvinnslu į Vopnafirši
Frį Makrķlvinnslu į Vopnafirši

Vegna mikils niðurskurðar á heildarkvóta kolmunna í Norður-Atlantshafi á þessu ári munu uppsjávarveiðiskip HB Granda ekki stunda beinar kolmunnaveiðar á árinu. Eftirstöðvar á aflamarki félagsins í kolmunna eru einungis 590 tonn en vonast er til að sá kvóti dugi fyrir kolmunna sem veiðist sem meðafli á veiðum úr norsk-íslenska síldarstofninum og makrílveiðum í sumar.


Undanfarin ár hafa skip HB Granda farið til kolmunnaveiða strax að lokinni loðnuvertíð og í fyrra nam kolmunnaaafli þeirra alls 18.200 tonnum. Nú er öldin önnur og skipin eru verkefnalaus þar til að síld- og makrílveiðar hefjast.  Það verður að öllum líkindum ekki fyrr en í byrjun júní en þess má geta að síðustu loðnufarmar á nýliðinni vertíð bárust á land 11. mars sl.


Að sögn Vilhjálms Vilhjálmssonar, deildarstjóra uppsjávarsviðs HB Granda, hefur kolmunnakvótinn verið skertur jafnt og þétt undanfarin ár en nefna má að á árinu 2005 var kolmunnaafli skipa félagsins alls um 72.000 tonn. Það er ekki bara kolmunnakvótinn sem minnkar því síldarkvótinn hefur einnig verið skertur milli ára. Í fyrra veiddu skipin 28.600 tonn af norsk-íslenskri síld en makrílafli þeirra var þá um 15.000 tonn. Síldarkvótinn nú er hins vegar 20.760 tonn og búist er við því að makrílkvóti uppsjávarveiðiskipanna haldist óbreyttur þrátt fyrir heildarkvóti íslenskra skipa í makríl hafi verið aukinn milli ára. Stafar það af því að nánast allri viðbótinni, 35.000 tonnum, verður ráðstafað til frystitogara. Þá ríkir óvissa með veiðar á íslenskri sumargotssíld í haust vegna þeirrar sýkingar sem herjað hefur á stofninn undanfarin ár.


Ingunn AK er nú í höfn á Akranesi og Lundey NS er á Vopnafirði. Ákveðið var að skipta um kælikerfi í Faxa RE. Krapakælikerfið sem er í skipinu verður fjarlægt en í stað þess kemur svokallað RSW kælikerfi sem skilar jafnari og betri kælingu aflans. Því verki á að ljúka áður en veiðar og síld og makríl hefjast í sumar.

RSS

27.12.2015 | Faxagengiš

Įramótaflugeldar!!!!!!!!

Faxi RE 9
Faxi RE 9
Góðan daginn lesendur góðir.Þá er líklega komið að loka,loka færslu Faxas&...
Fleiri blogg
Augnablik... Loading...
Vefumsjón