Um kvöldmatarleitið í gær var keyrt á hreindýr í Vesturárdal á móts við Vakursstaði. Bifreiðin skemmdist talsvert en ekki urðu slys á fólki. Að sögn ökumanns var hálka á vettvangi og náði hann ekki að stoppa þegar dýrin tóku á rás yfir veginn og lenti að minnsta kosti eitt ef ekki tvö dýr á bílnum. Dýrin hlupu út í myrkrið en ekki var vitað hvernig ástandið á þeim var. Það er tilefni til þess að vara ökumenn við hreindýrum í kringum Vopnafjörð en þau eru óútreiknanleg við vegi.