Það hefur verið ágæt hákarlaveiði á Vopnafirði undanfarið og í nótt komu feðgarnir Hreinn Björgvins og Björgvin Hreinsson á Eddunni með fjóra væna hákarla að landi. Fengust þeir við norðanverðan fjörðinn en þar höfðu þeir lagt línu með 8 krókum. Björgvin sagði að einn hákarlana hefði að vísu ekki bitið á krókinn heldur flækt sporðinn í línunni og fest sig þannig.
Þetta voru stórir delar, fimmtán eða sextán fet að lengd og sverir.