Valmynd

K÷nnunin

Ve­urstofa ═slands

Vegager­in

DŠgradv÷l

Fyrsta lo­nan ß ■essu ßri til Vopnafjar­ar.

Lo­nan komin enn ß nř
Lo­nan komin enn ß nř

Loðnuvinnsla er hafin að nýju á Vopnafirði eftir að Lundey NS kom þangað með um 680 tonn af loðnu á miðnætti sl. Magnús Róbertsson vinnslustjóri hjá HB Granda segir að loðnan nú sé heldur smærri en sú sem barst til vinnslu fyrir áramótin en það muni ekki miklu. Góður hluti aflans henti til frystingar en það sem flokkist frá fari til bræðslu.


Nú er vika liðin frá því að Lundey NS fór til loðnuleitar í samræmi við áætlun Hafrannsóknastofnunar þar að lútandi og hófst leitin á Vestfjarðamiðum. Arnþór Hjörleifsson skipstjóri segir aðstæður til leitar hafa verið hinar verstu.


,,Við byrjuðum í Víkurálsbotninum og fórum þaðan út í kantinn en urðum ekki varir við loðnu fyrr en við komum á Halann. Þar lóðaði á loðnu og samkvæmt upplýsingum frá skipstjórum togara, sem þar voru að veiðum, var fiskurinn kjaftfullur af loðnu. Við áttum að fara norðar til að kanna svæðið þar en urðum frá að hverfa vegna hafíss og svo var veðrið snælduvitlaust eins og það er reyndar búið að vera frá áramótum og er enn," segir Arnþór en frá Vestfjarðamiðum var ferðinni heitið austur á Kolbeinseyjarsvæðið. Þar tók ekki betra við.

,,Við áttum að leita á svæðinu vestan við Kolbeinsey og fara síðan langt norður fyrir eyna en við gáfumst upp á því. Þarna var haugabræla, 20-25 m/s, og mikil ísing. Veður fór versnandi og því fórum við til hafnar á Húsavík þar sem við biðum bræluna af okkur."

Lundey fór síðan til loðnuveiða sl. sunnudagsmorgun og að sögn Arnþórs var stefnan þá tekin á svæðið norður af Langanesi.

,,Við urðum varir við mikið líf á leiðinni og það vantaði a.m.k. ekki hvalina, þeir voru út um allt. Það brældi hressilega en við tókum tvö hol og í seinna skiptið toguðum við bara í um tvo tíma," segir Arnþór en að hans sögn eru nokkur skip að veiðum á þessum slóðum, á um 67°N. Reyndar hefur einnig orðið vart við loðnu sunnar og nær landi og benda fyrstu fréttir til þess að loðnan þar sé heldur stærri en sú sem skipin voru að fá norðar á veiðislóðinni.

hbgrandi.is

RSS

27.12.2015 | Faxagengi­

┴ramˇtaflugeldar!!!!!!!!

Faxi RE 9
Faxi RE 9
Góðan daginn lesendur góðir.Þá er líklega komið að loka,loka færslu Faxas&...
Fleiri blogg
Augnablik... Loading...
Vefumsjˇn