Valmynd

K÷nnunin

Ve­urstofa ═slands

Vegager­in

DŠgradv÷l

Fj÷lmenn mˇtmŠli ß Austurlandi

Margir komu til samstöðumótmla við Sundabúð í dag. Þórunn Egilsdóttir oddviti hélt ræðu og síðan var mynduð keðja í kringum Sundabúð og heilsugæsluna. Það var vel mætt og voru um 200 manns mætt til að sýna samstöðu og mótmæla niðurskurði.

Samkvæmt tillögum heilbrigðismálaráðherra er ráðgert að skera þurfi niður um 500 milljónir eða um 22% í starfsemi HSA, en 52% á sjúkrasviði sem bitnar hart á sjúkrahúsunum í Neskaupstað og á Egilsstöðum. Afleiðingar af niðurskurðinum verða skelfilegar fyrir Austurlandsfjórðung og ljóst að forsenda búsetu fyrir marga brestur. Ef til óbreytts niðurskurðar kemur þarf að segja upp 80 manns á starfssvæði HSA.
Ræða þórunnar:

"Ágæta starfsfólk HSA og aðrir Vopnfirðingar
Nú ríður að sýna samstöðu því enn sverfur að landsbyggðinni og staðnum okkar. Sá niðurskurður sem nú hefur verið boðaður er ekkert annað en aðför að heilbrigðisþjónustunni á starfsvæði HSA og afhjúpar virðingarleysi heilbrigðisyfirvalda til íbúa á okkar svæði.

Enn virðist stefnan vera sú að fjölga eigi opinberum störfum í höfuðborginni þar sem þeim hefur fjölgað gríðarlega á síðustu árum. Með þessari aðgerð sýna stjórnvöld að þau hafa engan áhuga á að snúa þeirri þróun við.

Heilbriðisþjónustan er einn að hornsteinunum sem byggðir landsins þurfa til að halda velli en landsbyggðinni er ætlað að bera þungann af heildarniðrskurði eða um 84%. Mestur er niðurskurðurinn er hjá þeim stofnunum sem lengst eru frá Reykjavík þ.e. Austurlandi og Þingeyjarsýslum og erfitt að koma auga á ástæður þess þar sem hvergi liggja rök fyrir því að hagkvæmara sé að reka þjónustuna sem hér er annars staðar. Hvergi hefur verið sýnt fram á það og ekki virðist nein undirbúningsvinna hafa átt sér stað.

Verði af þessum áætlunum mun verða grundvallarbreyting á heilbirgðisþjónustu í fjórðungnum og stig velferðarþjónustunnar lækka gríðarlega. Auk þess sem kostnaður íbúanna mun aukast verulega við að sækja þjónustuna um lengri veg. Það þekkjum við Vopnafirðingar að samgöngur geta hamlað för og dregur þetta því vissulega úr öryggi íbúanna.

Við mótmælum því að leggja eigi niður störf fólks með áralanga starfsreynslu og menntun að baki og teljum óásættanlegt að flytja eigi þau af svæðinu.

Við hvetjum til þess tillagan verði endurskoðuð og öryggissjónarmið sjúklinga höfð í huga auk þess sem byggðalegar af leiðingar verði skoðaðar. Við hvetjum ráðamenn til að standa vörð um grunnþjónustu við alla íbúa landsins, - að þeir fari að lögum og velji að búa okkur öllum mannsæmandi skilyrði til að búa áfram í heimahögunum."

Hér má sjá myndband af mótmælunum

RSS

27.12.2015 | Faxagengi­

┴ramˇtaflugeldar!!!!!!!!

Faxi RE 9
Faxi RE 9
Góðan daginn lesendur góðir.Þá er líklega komið að loka,loka færslu Faxas&...
Fleiri blogg
Augnablik... Loading...
Vefumsjˇn