Nú um hádegið kom Faxi RE með fullfermi af Kolmunna sem veiddist á „gráa" svæðinu suður af Færeyjum. Þar með eru hjól verksmiðjunnar farin að snúast aftur eftir snarpa loðnuvertíð.
Ingunn er á miðunum og er komin með 1800 tonn og vonast til að fylla í kvöld og Lundey er komin með 700 tonn.
Það eru um 10.000 tonn eftir af Kolmunnakvótanum hjá HB Granda og verður honum landað á Vopnafirði ef hann veiðist á svipuðum slóðum og undanfarið.