Valmynd

K÷nnunin

Ve­urstofa ═slands

Vegager­in

DŠgradv÷l

Einstakt tŠkifŠri fyrir ┴stu Birnu og Arnˇr Frey

┴sta Birna Ëlafsdˇttir og Arnˇr Freyr
┴sta Birna Ëlafsdˇttir og Arnˇr Freyr
Þann 9. janúar síðastliðinn héldu hjónin Ásta Birna Ólafsdóttir og Örn Eyjólfsson ásamt syni sínum Arnóri Frey til Austin, Texas í Bandaríkjunum. Arnór Freyr er 10 ára með dæmigerða einhverfu. Hann hefur fengið góða kennslu í gegnum árin en ekki náð tökum á talmáli. Að sögn Ástu Birnu voru þau að gefast upp á leit að lausn þegar þau fóru að kynna sér aðferðir sem miða að því að hjálpa einstaklingum að tjá sig með aðstoð tölvutækninnar.

Ástu Birnu gafst einstakt tækifæri til þess að
yfirfara efni sem tekið var við gerð kvikmyndarinnar um Sólskinsdrenginn og kynntist þannig höfundi myndarinnar.

„Sú vinna varð til þess að ég tók þátt í að skrá viðtöl sem tekin voru við gerð myndarinnar sem síðar munu koma út á sérstökum DVD diski um einhverfu. Umsjónarfélag einhverfra hafði samband við mig og óskaði eftir samvinnu að fá þekkingu um RPM aðferðina til Íslands. Ég samþykkti að taka þátt í verkefninu en setti það skilyrði að ég myndi taka Arnór Frey son minn með mér út til þess að hann fengi einnig tækifæri til að reyna aðferðina. Síðasta sumar fórum við hjónin til Austin í mánuð með það að markmiði að kynna okkur allar hliðar þessarar aðferðar. Arnór Freyr sótti tíma hjá Somu Mukkopathayay og ég sótti námskeið fyrir kennara hjá henni. Arnór Freyr stóð sig mjög vel og þarna gafst okkur í fyrsta skipti tækifæri til að hafa gagnvirk tjáskipti við son okkar og fengum sönnur þess sem við vissum alltaf innst inni, að það byggi svo miklu meira í þessum dreng en við höfum verið að ná frá honum," segir Ásta Birna.

Víðsvegar í Bandaríkjunum og víðar í heiminum hefur fólk farið þess á leit við að fá að læra hjá Somu sem er einstök kona sem náð hefur ótrúlegum framförum með nemendur sem eru með einhverfu og skyldar þroskaraskanir. Hún hefur ferðast um öll Bandaríkin, haldið námskeið og einnig komið fram í þáttum eins og 60 mínútum. Þrátt fyrir háar peningaupphæðir og góð boð hefur Soma verið það upptekin við að kenna að hún hefur aðeins einu sinni samþykkt að hafa hjá sér lærling. Það er því einstakt tækifæri og mikill heiður Ástu Birnu að Soma skyldi samþykkja að hún verði lærlingur hennar í 6 mánuði og muni öðlast rétt til þess að kenna öðrum aðferðina og miðla af þekkingunni á Íslandi fyrir son sinn og fólk með einhverfu og skyldar raskanir á öllum aldri.

„Ég komst að því seinna að þetta náðist í gegn með ótrúlegum viljastyrk Margrétar Dagmar, höfundar Sólskinsdrengsins, og Dorritar forsetafrúar. Það er því mikil pressa að standa sig vel," segir Ásta Birna.

Auk þess að hafa þetta nám þá er Ásta Birna kennari og þroskaþjálfi og hefur sótt sér framhaldsmenntun erlendis í þekktri nálgun með einhverfu sem nefnist TEACCH og mun hún fylgja því eftir í framtíðinni. Það hefur verið margrannsakað hversu mikill fjárhagslegur ávinningur er í því að fjárfesta í góðri þjónustu fyrir fólk með einhverfu þar sem þessir einstaklingar hafa mikla möguleika að ná framförum og þar með öðlast meira sjálfstæði og fyllra líf í framtíðinni.

Fjölskyldan hefur fengið góða stuðning frá Actavis til að greiða námsgjöldin. Umsjónarfélagið mun taka þátt í kostnaði en foreldrar Arnórs standa straum af öllum kostnaði varðandi Arnór Frey og aðra fjölskyldumeðlimi. Örn, faðir Arnórs Freys, fór með út til Bandaríkjanna og mun fylgja þeim heim þar sem erfitt er að ferðast með Arnór Frey. Örn er hins vegar kominn heim aftur til að sinna vinnu sinni og dóttur þeirra hjóna og því verður fjölskyldan sundurslitin í hálft ár.

Þá fær Ásta Birna góðan stuðning í Gerði Rún, systur sinni, sem fór með til Bandaríkjanna þar sem Ásta Birna þarf á aðstoð að halda. Hún mun t.d. fylgja Arnór Frey suma daga í skólann og taka á móti honum þegar hann kemur heim þar sem Ásta Birna verður á HALO stofnunni allan daginn.

Greiða þarf skólagjöld fyrir Arnór en stærsti kostnaðarliður fjölskyldunnar er að Ásta Birna fær engin laun á tímabilinu.

Lesa má um þetta þetta einstaka ferðalag og nánar um RPM aðferðina á bloggi Ástu Birnu: www.rpm.bloggar.is  

Þeir sem vilja leggja fjölskyldunni lið er bent á eftirfarandi reikning: 0178-26-6308. Kt. 290779-3249.

RSS

01.03.2017 | Landsnet - rafmagnsmßl

┴rsߊtlun 2017

Stjˇrnst÷­ vekur athygli ß a­ vi­haldsߊtlun fyrir raforkukerfi­ er ß hverjum tÝma a­gengileg inn Ý RoVi, sjß nßnar www.amper.land...
Fleiri blogg
Augnablik... Loading...
Vefumsjˇn