Í gær var björgunarsveitin Vopni fengin til að aðstoða erlenda ferðamenn sem höfðu misst bílinn sinn útaf á Hellisheiði Eystri vegna hálku. Var bíllinn dreginn með spili upp á veginn aftur og síðan var settur spotti á milli bílsins og björgunartækis sem hékk í bílnum á leið niður heiðina en hálkan var það mikil að bíllinn tolldi ekki á veginum öðruvísi. Töluverður snjór var á heiðinni og hún auglýst ófær sem og hún var en það var alla vega lítið sumarlegt um að lítast þarna í gær. Nú er verið er að ryðja Hellisheiði og ætti hún að vera fær fyrir hádegi en vert er að benda fólki á vef Vegagerðarinnar eða hringja í síma 1777 ef fólk ætlar að fara yfir heiðina.