Árný Þórðardóttir húsfreyja á Máseli í Jökulsárhlíð, er hundrað ára í dag. Maður Árnýjar, Þórarinn Guðjónsson lést fyrir ellefu árum, en þau eignuðust átta börn sem öll eru á lífi. Árný fæddist í Reykjavík þann 29 mars árið 1907, en foreldrar hennar voru Þórður Bjarnason og Guðfinna Kristjana Magnúsdóttir. Við tveggja ára aldur var Árný tekin í fóstur í Fagradal í Vopnafirði og þar ólst hún upp.